Հայկական կողմի դիպուկահարի կրակոցից սպանվել է Ադրբեջանի ԶՈւ ավագ լեյտենանտ

razm.info. Հուլիսի 14-ի երեկոյան Աղդամի (Ակնա) շրջանում սպանվել է Ադրբեջանի զինված ուժերի զինծառայող, ավագ լեյտենանտ Մամմադով Թողրուլ Սայյադ օղլուն (Məmmədov Toğrul Səyyad oğlu): Այս մասին այսօր՝ հուլիսի 15-ին, հայտնում են Ադրբեջանի պաշտպանության նախարարության կայքում: Համաձայն ՊՆ հաղորդագրության զինծառայողը սպանվել է «հայկական կողմի դիպուկահարի կրակոցից»:

Մինչ այդ Պաշտպանության բանակը տեղեկացրել է, որ հուլիսի 14-ի ուշ երեկոյան Ադրբեջանի ԶՈւ ստորաբաժանումը նույն Ակնայի ուղղությամբ առաջխաղացման փորձ է արել, ինչը հայկական կողմի գործողությունների արդյունքում կանխվել է։