Պուտինը ստորագրել է սկանդալային հակաահաբեկչական օրենքները
ՌԴ նախագահ Վլադիմիր Պուտինը ստորագրել է օրենքների հակաահաբեկչական փաթեթը: Այս մասին, ինչպես հայտնում է Lenta.Ru-ն, տեղեկացրել է ՌԴ նախագահի մամուլի քարտուղար Դմիտրի Պեսկովը:
Այդ օրենքները նախատեսում են ցմահ բանտարկություն սահմանել միջազգային ահաբեկչության համար, քրեական պատասխանատվության ենթարկել 14 տարեկանից և պարտավորեցնել կապի, մեսենջերների և սոցցանցերի օպերատորներին պահել օգտատերերի բոլոր նամակագրություններն ու գրառումները:
Օրենքների փաթեթը մշակվել է Պետդումայի պատգամավոր Իրինա Յարովայայի և Անվտանգության խորհրդի պաշտպանության և անվտանգության կոմիտեի ղեկավար Վիկտոր Օզերովի կողմից:
Փաստաթուղթը հունիսի 24-ին ընդունվել էր ստորին պալատի կողմից և հավանության արժանացել Դաշնային խորհրդի կողմից հունիսի 29-ին:
