«Լավրովը հուլիսի 11-12-ը կայցելի Ադրբեջան՝ քննարկելու ԼՂ հակամարտության կարգավորումը». Մարիա Զախարովա
Ռուսաստանի արտգործնախարար Սերգեյ Լավրովը հուլիսի 11-12-ը կայցելի Ադրբեջան, կքննարկի Լեռնային Ղարաբաղի հակամարտության կարգավորման թեման: Այս մասին, ինչպես հայտնում է RIA Novosti-ն, այսօր ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
«Հուլիսի 11-12-ը ՌԴ ԱԳՆ ղեկավար Սերգեյ Լավրովը աշխատանքային այց կկատարի Ադրբեջան, Բաքվում կայանալիք հանդիպումների ընթացքում տեղի կունենան օրակարգային հարցերի քննարկում, ինչպես նաև կարծիքների փոխանակություն Լեռնային Ղարաբաղի հակամարտության կարգավորման խնդրի շուրջ»,- հայտարարել է Զախարովան:
Նա նաև տեղեկացրել է, որ հուլիսի 12-13-ը Լավրովը կմեկնի Ղազախստան:
