Ռադայում կրկին անհանգիստ է. պատգամավորները նստացույց են հայտարարել
Ուկրաինայի Գերագույն ռադայում նստացույց են հայտարարել «Բատկիվշչինա» և Արմատական կուսակցության պատգամավորները: Այս մասին խորհրդարանում ելույթի ժամանակ հայտարարել է կուսակցության առաջնորդ Օլեգ Լյաշկոն, հայտնում է «112 Ուկրաինան»:
«Մենք անցնում ենք բողոքի այլ ձևի: Մենք այստեղ չենք կռվի … Մենք հայտարարում ենք նստացույց»,- հայտարարել է Լյաշկոն՝ խորհրդարանում կարդալով երկու խմբակցությունների հայտարարությունը:
«Ցանկանում եմ ուշադրություն հրավիրել, որ ցանկացած ոք կարող է ելույթ ունենալ ամբիոնի մոտից, դա նշանակում է, որ սրահում այսօր չի լինի ամբիոնի արգելափակում: Կա Գերագույն ռադայի աշխատանքի ապահովում»,- հայտարարել է խորհրդարանի խոսնակ Անդրեյ Պարուբին:
Ավելի վաղ Ուկրաինայի խորհրդարանում ամբիոնը արգելափակել էին Լյաշկոյի, «Բատկիվշչինայի» պատգամավորները:
