Սյունիքի մարզում ժամկետային զինծառայողներ տեղափոխող ավտոմեքենան վթարի է ենթարկվել. կա 11 վիրավոր
Հուլիսի 6-ին, ժամը 10.05-ին ահազանգ է ստացվել, որ Սյունիքի մարզի Կարմրաքար գյուղի մոտակայքում բեռնատար ավտոմեքենան շրջվել է: Ըստ նախնական տվյալների կան տուժածներ:
Դեպքի վայր են մեկնել մեկ մարտական հաշվարկ և մարզային փրկարարական վարչության օպերատիվ խումբը:
Ինչպես հայտնում է ֆոտոլրագրող Գագիկ Շամշյանը, վթարի հետևանքով 11 հոգի տարբեր աստիճանի մարմնական վնասվածքներով տեղափոխվել են Կապանի բժշկական կենտրոն: Ըստ Գագիկ Շամշյանի բոլոր վիրավորները ժամկետային զինծառայողներ են:
Կտրվի լրացուցիչ տեղեկություն:
