Ինչպե՞ս համեղ եգիպտացորեն պատրաստել

Եգիպտացորեն սիրում են բոլորը: Այն ոչ միայն համեղ է, այլև՝ չափազանց օգտակար: Սակայն ինչպե՞ս ճիշտ պատրաստել եգիպտացորենը, որպեսզի այն առավել համեղ լինի:

Ognov կայքն առաջարկում է եգիպտացորենը եփելիս ավելացնել երկու կարևոր բաղադրիչներ, որոնք եգիպտացորենն ավելի հյութեղ և համեղ կդարձնեն:

Ի՞նչ է անհրաժեշտ համեղ եգիպտացորեն պատրաստելու համար

• 5 եգիպտացորեն
• Ջուր
• 1 բաժակ կաթ
• 50 գ կարագ

Եգիպտացորենները կիսեք երկու մասի և տեղադրեք կաթսայի մեջ: Ավելացրեք ջուրն այնքան, որ եգիպտացորենն ամբողջովին ծածկվի, կաթսան դրեք կրակին:

Երբ կաթսայի ջուրը եռա, ավելացրեք կաթն ու կարագը:

Կրկին հասցրեք եռման, որից հետո եգիպտացորենը եփեք ևս 10 րոպե:

Այլևս կարիք չի լինի ժամերով եփել եգիպտացորենը: Նմանատիպ հնարքի շնորհիվ, այն հյութեղ և սերուցքային համ կստանա:

Նյութը հրապարակման պատրաստեց Լիլիթ Հարությունյանը