Պետական հատվածում աշխատավարձը նվազել է, մասնավորում՝ աճել
2016 թվականի մայիսին միջին ամսական անվանական աշխատավարձը Հայաստանում կազմել է 188094 դրամ։ Ըստ ՀՀ ազգային վիճակագրական ծառայության տվյալների՝ միջին աշխատավարձը նախորդ տարվա մայիսի նկատմամբ աճել է 4.7%-ով, իսկ այս տարվա ապրիլի նկատմամբ՝ 0.5%-ով։
Պետական հատվածում միջին աշխատավարձը տարվա կտրվածքով նվազել է 0.3%-ով և կազմել 159011 դրամ։ Իսկ ոչ պետական հատվածում աշխատավարձն աճել է 9.4%-ով և կազմել 227342 դրամ։
ԱՎԾ զեկույցում աշխատավարձի մայիսյան ցուցանիշները ներկայացվում են որպես գնահատական, այսինքն՝ դրանք կարող են ճշգրտվել։
