Հայտնի է դարձել ԵԱՀԿ ԽՎ նոր նախագահի անունը
ԵԱՀԿ խորհրդարանական վեհաժողովի նախագահ է ընտրվել Քրիստինա Մուտոնենը: Նախագահի ընտրություն համար անհրաժեշտ է եղել երկրորդ փուլի անցկացումը, քանի որ առաջին փուլում թեկնածուներից ոչ ոք չի կարողացել հավաքել ձայների բացարձակ մեծամասնություն, հայտնում է «Գրուզիա օնլայնը»:
Երկրորդ փուլի արդյունքով ԵԱՀԿ ԽՎ նախագահ է ընտրվել Քրիստինա Մուտոնենը, որի օգտին քվեարկել է 86, իսկ Գիգի Ծերեթելիի օգտին՝ 73 պատվիրակ:
Քրիստինա Մուտոնենը խորհրդարանական վեհաժողովը ղեկավարելու է 1 տարի:
ԵԱՀԿ ԽՎ 25-րդ ամենամյա նստաշրջանը, որն անցկացվում էր Թբիլիսիում հուլիսի 1-5-ը, ավարտվել է հռչակագրի ընդունմամբ և ղեկավար անձանց ընտրմամբ:
