«Այն դժվար էր, բայց հաջողվեց». Դավիթ Հարությունյան
Ազգային ժողովում Ընտրական օրենսգրքի փոփոխությունների շուրջ այս երկու օրվա քննարկումը ՀՀ կառավարության աշխատակազմի ղեկավար-նախարար Դավիթ Հարությունյանին ևս մեկ անգամ ցույց է տվել, թե ինչքան դժվար էր կոնսենսուսի համաձայնությունը կայացնել այս միջավայրում: Այսօր ԱԺ արտահերթ նիստում Դ.Հարությունյանը նշեց, որ տեղին չէ պայքարը, թե ով է ավելի ընդդիմադիր:
«Այս համաձայնությունը կայացել է, բայց այն եղել է պայմանական»,- ասաց Դ.Հարությունյանը:
Ըստ նրա` ֆինանսական հնարավորությունները սպառված չեն, բայց պակասող գումարը բյուջեից չեն պատրաստվում տրամադրել, ընդ որում` պետք է շտապել, քանի որ կարող է գումար գտնեն, բայց արդեն ժամանակ չունենան: Հարությունյանը երախտիքի խոսքեր հայտնեց քննարկումների և համաձայնության կայացման մասնակիցներին:
«Այն դժվար էր, բայց հաջողվեց»,- նշեց Դ.Հարությունյանը:
