Լիբիայում պայթյունի հետևանքով զոհվել է նվազագույնը 20 մարդ
Լիբիայի արևմուտքում գտնվող Գարաբուլլի քաղաքի զենքերի խանութներից մեկում տեղի ունեցած պայթյունի հետևանքով զոհվել է նվազագույնը 20, վիրավորվել 30 մարդ: Այդ մասին հաղորդում է «Ռոյթեր» գործակալությունը:
«Զոհերի և վիրավորների թիվն աճում է, և մենք փորձում ենք նրանց ուղարկել մոտակա հիվանդանոցներ»,- հայտարարել է տեղական իշխանության ներկայացուցիչ Մոհամեդ Ասսայեդը:
Պայթյունի պատճառը դեռևս հայտնի չէ:
