Disney World այգին փակել է բոլոր լողափերը երեխայի վրա ալիգատորի հարձակումից հետո
Walt Disney World զվարճանքի համալիրն Օրլանդոյում, որտեղ ալիգատորը տարել է 2- ամյա երեխայի, որոշում է կայացրել փակել բոլոր լողափերը: Այս մասին հայտնել է Reuters գործակալությունը:
Նշվում է, որ երեխայի որոնողական աշխատանքներին մասնակցում է ավելի քան 60 մարդ, մասնավորապես, շերիֆի օգնականները, ինչպես նաեւ վայրի բնության պահպանության աշխատակիցները: Բացի այդ, տղային փնտրում են հիդրոլոկատորի եւ ուղղաթիռների միջոցով:
Պատահարը տեղի է ունեցել հունիսի 15-ին Grand Floridian Resort & Spa հյուրանոցի մոտակայքում՝ Walt Disney World զվարճանքների այգու տարածքում: Տղայի որոնողական աշխատանքների ընթացքում սպանվել է չորս ալիգատոր, սակայն հերձման արդյունքում երեխայի մասունքներ չեն հայտնաբերվել:
