Բակո Սահակյանը հանդիպել է Բրյուսելի Ֆլամանական խորհրդարանի մի խումբ պատգամավորների հետ

Արցախի Հանրապետության Նախագահ Բակո Սահակյանը հունիսի 9-ին հանդիպել է Բրյուսելի Ֆլամանական խորհրդարանի մի խումբ պատգամավորների հետ՝ խորհրդարանի նախագահ Յան Պյումանսի գլխավորությամբ:

Հանդիպման ընթացքում քննարկվել են Արցախի եւ ֆլամանական խորհրդարանի միջեւ կապերի զարգացմանը վերաբերող հարցեր:

Երկրի ղեկավարը նշել է, որ Արցախում հատուկ ուշադրություն են դարձնում տարբեր պետությունների սուբյեկտների հետ փոխգործակցությանը՝ այն համարելով երկկողմ հարաբերությունների զարգացման կարեւոր եւ արդյունավետ ուղղություն: