Գալուստ Սահակյանը խնդրեց բոլոր պատգամավորներին ներկա գտնվել նստաշրջանի փակման ժամանակ
Այսօր Ազգային ժողովի 5-րդ գումարման 9-րդ նստաշրջանի վերջին աշխատանքային օրն է: ԱԺ նախագահ Գալուստ Սահակյանը հայտարարեց, որ նստաշրջանը կփակվի Հայաստանի Հանրապետության օրհներգով, և խնդրեց բոլոր պատգամավորներին ներկա գտնվել նստաշրջանի փակման ժամանակ:
Նշենք, որ ԱԺ-ն դեռ շարունակում է 2015 թ. բյուջեի կատարողականի քննարկումները: Այս վերջին նստաշրջանում ընդգրկված 142 հարցերից և միջազգային պայմանագրերի հիմնական մասը դեռ մնացել է: Եվ, ամենայն հավանականությամբ, դեռ ոչ մեկ արտահերթ նիստ անհրաժեշտ կլինի բոլոր հարցերը քննարկելու և ավարտելու համար:
Ի դեպ, ԲՀԿ խմբակցության ղեկավար Նաիրա Զոհրաբյանը հայտարարեց, որ բյուջեի կատարողականի քննարկումները ձանձրալի էին և նման էին պրոֆտեխուսումնարանի հաշվապահական դասընթացների:
