Նովակ Ջոկովիչը հաղթեց «Ռոլան Գարոսը»
Աշխարհի առաջին ռակետ Նովակ Ջոկովիչն առաջին անգամ հաղթեց թենիսի Ֆրանսիայի բաց առաջնությունը:
Եզրափակիչում սերբ թենիսիստը 4 սեթում առավելության հասավ բրիտանացի Էնդի Մարեյի նկատմամբ: 3 ժամ տևած մրցախաղի առաջին սեթում հաղթեց բրիտանացին, սակայն հետագայում Ջոկովիչը շանս չտվեց մրցակցին՝ նրա նկատմամբ առավելության հասնելով 3:6, 6:1, 6:2, 6:4 հաշվով:
29-ամյա Ջոկովիչը 12-րդ հաղթանակը տարավ «Մեծ սաղավարտի» մրցաշարերում և նվաճեց կարիերայի 65-րդ տիտղոսը: Նա «Ռոլան Գարոսի» եզրափակիչում խաղաց չորրորդ անգամ և երրորդ տարին անընդմեջ: Այս տարի «Ռոլան Գարոսի» չեմպիոնական տիտղոսը չպաշտպանեց շվեյցարացի Ստեն Վավրինկան, որին կիսաեզրափակիչից դուրս էր թողել Մարեյը: Բրիտանացի թենիսիստն առաջին անգամ էր դուրս եկել այս մրցաշարի եզրափակիչ:
