«Արդեն մի քանի օրից կդառնամ «Յուվենթուսի» ֆուտբոլիստ». Ալվես
Ինչպես արդեն տեղեկացրել էինք, կատալոնական «Բարսելոնայի» բրազիլացի պաշտպան Դանի Ալվեսը հայտարարել էր, որ 8 տարի ակումբում խաղալուց հետո որոշել է հեռանալ: Sport Italia- ի հետ զրույցում Ալվեսը հաստատել է, որ տեղափոխվելու է Թուրինի «Յուվենթուս»:
Ալվեսը նշել է, որ շատ ուրախ է թուրինյան ակումբ տեղափոխվելու համար:
«Ցանկանում եմ «Յուվենթուսի» հետ հաջողությունների հասնել Եվրոպայում: Արդեն մի քանի օրից կդառնամ «Յուվենթուսի» ֆուտբոլիստ: Անկախ թիմից միշտ կլինեմ «Բարսելոնայի» երկրպագու»,- նշել է Ալվեսը:
Սիրարփի Աղաբաբյան
