Դիեգո Սիմեոնեն մերժել է «ՊՍԺ»-ի առաջարկը
Արգենտինացի մարզիչը կարող է մնալ «Ատլետիկոյում»:
Ինչպես հաղորդում է լրագրող Ջանլուկա Դիմարցիոն, Սիմեոնեն մերժել է փարիզեցիների առաջարկը և չի պատրաստվում բանակցություններ վարել ֆրանսիական ակումբի հետ:
Ըստ աղբյուրի տվյալների Սիմեոնեն հակված է այն բանին, որպեսզի մնա «Ատլետիկոյում»:
Ուրբաթ Yahoo Sport-ը հաղորդել էր, որ «ՊՍԺ»-ն բանակցություններ է սկսել Սիմեոնեի պայմանագրի վերաբերյալ:
Չեմպիոնների լիգայի եզրափակչում «Ռեալից» կրած պարտությունից հետո արգենտինացին հայտարարել էր, որ դադար կվերցնի և կմտածի իր ապագայի մասին:
Պատրաստեց Անի Գաբուզյանը
