Թուրքական Unit International ընկերությունը Իրանում կկառուցի 7 էլեկտրակայան
Թուրքական Unit International էներգետիկ ընկերությունը համաձայնություն է ձեռք բերել Իրանի էներգետիկայի նախարարության հետ 4․2 միլիարդ դոլար ընդհանուր արժողությամբ 7 գազային էլեկտրակայան կառուցելու հարցում, հայտնում է Reuters գործակալությունը:
Գործակալության հաղորդմամբ՝ էլեկտրակայանները կկառուցվեն Իրանի 7 տարբեր շրջաններում:
Էլեկտրակայանների գումարային հզորությունը կկազմի 6.020 ՄՎտ:
Շինարարությունն սկսելու մասին համաձայնագիրը կողմերը ստորագրել են հունիսի 1-ին Իրանի մայրաքաղաք Թեհրանում:
Ինչպես հայտարարել է Unal Aysal ընկերության սեփականատերը, էլեկտրակայանները կծածկեն Իրանի էներգետիկ պահանջմունքների 10 տոկոսը:
Էլեկտրականների շինարարությունը նախատեսվում է սկսել 2017 թվականի առաջին եռամսյակում, հայտնում է գործակալությունը:
