Քուրդ զինյալները նահանջել են Հալեպի պաշտպանական դիրքերից
Քուրդ աշխարհազորայինների ջոկատները նահանջել են Հալեպ քաղաքի Շեյխ-Մակսուդ թաղամասի պաշտպանական դիրքերից, հայտնել է Սիրիայում հակամարտող կողմերի հաշտեցման ռուսական կենտրոնի ներկայացուցիչը: Այս մասին հայտնում է BBC-ն:
Նրա խոսքով՝ քրդերը նահանջել են «Ջաբհաթ ալ-Նուսրա» և «Ահրար աշ-Շամ» խմբավորումների զինյալների լայնամասշտաբ գնդակոծությունից ու անդադար հարձակումներից հետո:
Հակամարտող կողմերի ներկայացուցիչը հիշեցրել է, որ վերջին օրերին ահաբեկիչները Շեյխ-Մակսուդ, Էլ-Մուխաֆազա, Ազ-Զահրա թաղամասերի, Հալեպի «Էն-Նայրաբ» օդանավակայանի ուղղությամբ կրակ են բացել Համազարկային կրակի ռեակտիվ համակարգից, ականանետերից, հրթիռային համակարգերից:
Կրակի տակ են վերցվել նաև Լաթաքիա, Ֆուաա նահանգի Կինսիբա և Նախշեբա բնակավայրերը:
