«Օր օրի երևանցիներն ավելին են պահանջում». Տարոն Մարգարյան
Երևանի քաղաքապետարանում կրճատումներ չեն անելու: Այսօր լրագրողների հետ զրույցի ժամանակ հայտնել է Երևանի քաղաքապետ Տարոն Մարգարյանը՝ նշելով, որ իրենց եղած հաստիքներով հազիվ բավարարում են այն ծառայությունները մատուցել, որոնք երևանցիներն են պահանջում:
«Իսկ օր օրի երևանցիներն ավելին են պահանջում, ինչը ես նորմալ եմ համարում, քանի որ մենք զարգացող քաղաք ենք, ու այն խնդիրները, որ ունեինք 3-4 տարի առաջ, այսօրվա խնդիրներն արդեն այլ են: Մենք դրա համար հազիվ կարողանում ենք մեր աշխատակազմով, անգամ ոչ աշխատանքային օրերին աշխատելով՝ հասցնել»,- նշեց քաղաքապետը:
Անդրադառնալով ծախսերի կրճատմանը՝ քաղաքապետն ասաց, որ իրենք ոչ միայն այս տարի, ամեն տարի են ծախսերի խնայողությունն ուշադրության կենտրոնում պահում. «Բնականաբար պետք է հետևողական և շատ խիստ լինել, որ շատ շռայլություններ չլինեն»:
