«Որոշ պրոֆեսիոնալների կծեծեն Օլիմպիադայում». Մայք Թայսոն
Ծանր քաշային կարգի նախկին աշխարհի չեմպիոն Մայք Թայսոնը АИБА-ի՝ պրոֆեսիոնալ բռնցքամարտիկների մասնակցությունը Օլիմպիական խաղերին թույլատրելու որոշումը սխալ է համարում: Թայսոնը կարծում է նաև, որ պրոֆեսիոնալները այնտեղ կարող են պարտվել անսովոր կանոնների պատճառով:
«Դա հիմարություն է, և որոշ պրոֆեսիոնալներ կծեծվեն սիրողական մարզիկների կողմից: Դա տեղի կունենա: Նրանցից որոշներին կծեծեն, ես իսկապես հավատում եմ դրան: 2-3 ռաունդների ընթացքում որոշ պրոֆեսիոնալներ չեն հասցնի բռնել իրենց մրցակիցներին: Մրցակիցները շատ արագ կլինեն այդ 3-4 ռաունդների համար: Իսկ պրոֆեսիոնալները սովոր չեն դրան»,- Թայսոնի խոսքերը մեջբերում է Boxing Scene-ը:
Պատրաստեց Անի Գաբուզյանը
