«Այս թիմը ֆուտբոլի կենդանի պատմությունն է, իսկ մյուսները պետք է նստեն ու լաց լինեն». Ալվեշ
«Բարսելոնայի» պաշտպան Դանի Ալվեշի անվան շուրջ շարունակվում են զանազան խոսակցությունները: Նախորդ տավանից մամուլը պարբերաբար գրում է, որ Ալվեշը հեռանում է ակումբից: Սակայն Ալվեշը լրագրողների հետ զրույցում նշել է, որ երջանիկ է կատալոնական ակումբում, և իրեն դուր է գալիս իր կարիերայի աճը:
«Ես «Բարսելոնայի» հետ հաղթեցի լիգան արդեն 6-րդ անգամ: Հիմա հասկանո՞ւմ եք` ինչու եմ ընտրել 6 համարի մարզաշապիկը:
Այս թիմից կարելի է միայն հաճույք ստանալ: Մենք շարունակում ենք գրել պատմություն ոսկե տառերով: Դո՞ւր է գալիս սա մարդկանց, թե՞ ոչ, բայց այս թիմը ֆուտբոլի կենդանի պատմությունն է: Իսկ մյուսները պետք է նստեն ու լաց լինեն»,- սոցցանցերի միջոցով գրել է Ալվեշը:
Հիշեցնենք, որ «Բարսելոնան» օրերս հռչակվեց Իսպանիայի չեմպիոն:
Սիրարփի Աղաբաբյան
