Այսօր կշարունակվի Վալերի Պերմյակովի գործով դատական նիստը
Այսօր Գյումրիում տեղակայված ռուսական 102-րդ ռազմաբազայի տարածքում կշարունակվի Վալերի Պերմյակովի գործով հերթական դատական նիստը, որի ընթացքում դատարանը կշարունակի և հավանաբար կավարտի Վալերի Պերմյակովի նախաքննական ցուցմունքների հրապարակման փուլը:
Հիշեցնենք, որ Պերմյակովը հրաժարվել է ցուցմունքներ տալ, և դատարանը լսել է նրա նախաքննական ցուցմունքները:
Դատարանի դահլիճում ընթերցվում են ոչ միայն հարցաքննությունների արձանագրությունները, այլ նաև հրապարակվում տեսաձայնագրությունները:
Արձանագրություններից ու տեսաձայանգրություններից բացի, դատարանն ունի և, հավանաբար, արդեն այս նիստին կհրապարակի նաև փորձաքննության տեսաձայնագրությունը, որտեղ Վալերի Պերմյակովը ցույց է տալիս, թե ինչպես է իրականացրել հանցագործությունը:
Պերմյակովը հարցաքննվել է ընդհանուրը 17 անգամ՝ ինչպես հայ, այնպես էլ ռուս քննիչների կողմից:
