Մարգարիտա Բարխոյանը՝ հոր ձերբակալության մասին. asekose.am
Ապրիլի 25-ին Ազգային անվտանգության ծառայության քննչական գլխավոր վարչությունը միջնորդություն է ներկայացրել Երևանի Կենտրոն և Նորք Մարաշ վարչական շրջանների ընդհանուր իրավասության դատարան, որպեսզի դատարանը որպես խափանման միջոց, երկամսյա կալանքի որոշումներ կայացնի 4 քաղաքացու նկատմամբ, ովքեր մեղադրվում են ՀՀ քրեական օրենսգրքի 325 հոդվածի 1-ին մասի (փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը), իսկ Դ. Մնացականյանն ու Ս. Հակոբյանը մեղադրվում են նույն հոդվածի 2-րդ մասի (սույն հոդվածի 1-ին մասով նախատեսված արարքները, որոնք կատարվել են մի խումբ անձանց կողմից նախնական համաձայնությամբ) հատկանիշներով:
shamshyan.com-ը տեղեկացրել էր, որ կալանավորներից մեկը երգիչներ Վլադիմիր և Մարգարիտ Բարխոյանների հայրն է՝ Սամվել Բարխոյանը:
Asekose.am-ը կապ է հաստատել Մարգարիտա Բարխոյանի հետ՝ կատարվածի վերաբերյալ մեկնաբանություն ստանալու նպատակով:
Երգչուհին հերքել է լուրը՝ նշելով, որ նման բան չկա.
«Լուրը չի համապատասխանում իրականությանը: Միայն այդքանը կարող եմ ասել»,- նշել է նա:
