ՀՀ միջազգային պահուստները 2015-ին ավելացել են 285.8 մլն դոլարով
Հայաստանի Հանրապետության միջազգային պահուստները 2015 թվականի ընթացքում ավելացել են 285.85 մլն դրամով և տարվա վերջին կազմել 1 մլրդ 775 մլն 294.1 հազար դոլար։ Այս մասին տեղեկանում ենք ՀՀ Կենտրոնական բանկի կողմից հրապարակված՝ ՀՀ միջազգային պահուստների վիճակի և կազմի վերաբերյալ տեղեկանքից։
Ընդհանուր առմամբ, ՀՀ համախառն ակտիվների ծավալը 2015-ի վերջին կազմել է 1 մլրդ 775 մլն 439.2 հազար դոլար։
Դրանից 1 մլրդ 775 մլն 294.1 հազար դոլարը, ինչպես նշեցինք, միջազգային պահուստներն են (ազատ փոխարկելի արժույթով արտաքին ակտիվները)։ Իսկ միջազգային պահուստների կազմում 2.8 մլն դոլարը ՀՓԻ-ն է (հատուկ փոխառության իրավունք) Արժույթի միջազգային հիմնադրամում։
