«Անցած ցեղասպանությունների ճանաչումը խիստ կարևոր է ապագա ցեղասպանությունները կանխելու համար»
ԱՄՆ հանրապետական սենատոր, Իլինոյսը ներկայացնող Մարք Քըրքը հայտարարություն է տարածել Հայոց ցեղասպանության 101-րդ տարելիցի առնչությամբ: Հայտարարությամբ սենատորը կոչ է արել ԱՄՆ նախագահի վարչակազմին ճանաչել 1915-1923 թվականներին Օսմանյան կայսրությունում 1,5 միլիոն հայերի սպանությունը որպես ցեղասպանություն:
«Անցած ցեղասպանությունների ճանաչումը խիստ կարևոր է ապագա ցեղասպանությունները կանխելու համար, ուստի շուտվանից անցել է հայերի հետ տեղի ունեցածի մասին անկեղծ խոսելու ժամանակը»,- նշել է Մարք Քըրքը:
Քըրքը և Նյու Ջերսին ներկայացնող դեմոկրատ սենատոր Ռորբետ Մենենդեսը հեղինակել են Հայոց ցեղասպանությունը ճանաչող 140-րդ բանաձևը:
