«Խամեսը կարևոր ֆուտբոլիստ է «Ռեալի» համար». Զինեդին Զիդան
«Ռեալի» գլխավոր մարզիչ Զինեդին Զիդանը նշել է կիսապաշտպան Խամես Ռոդրիգեսի կարևոր դերն ակումբի համար:
«Չեմ տեսնում Խամեսի հետ կապված որևէ խնդիր: Նա կարևոր ֆուտբոլիստ է մեզ համար: Նա կարևոր է «Ռեալի» համար:
Խամեսը լավ հանդես եկավ «Էյբարի» և «Խետաֆեի» հետ խաղերում, գոլ խփեց: Իհարկե, նա ցանկանում է ավելի շատ խաղալ, ինչպես յուրաքանչյուր ֆուտբոլիստ, ով ոչ միշտ է դուրս գալիս խաղադաշտ:
Ես թիմում ունեմ 24 խաղացողներ, որոնցից պետք է ընտրեմ 11-ին` հիմնական կազմի համար: Մարզիչը պարտավոր է 3 փոփոխություն անել խաղի ընթացքում, բայց ես կգնամ այդ քայլին, միայն, եթե վստահ լինեմ որոշմանս մեջ: Ես եմ մարզիչը և որոշումները ես եմ կայացնում»,- ասել է Զիդանը:
Պատրաստեց Անի Գաբուզյանը
