«Ես լուրջ առաջարկություն եմ ստացել «Մանչեսթեր Յունայթեդից». Սերխիո Ռամոս

AS-ի լրագրողներն անկեղծ զրույց են վարել «Ռեալի» պաշտպան Սերխիո Ռամոսի հետ:

– Դուք առաջարկություն ստացե՞լ եք «Մանչեսթեր Յունայթեդից»:

– Այո:

– Լո՞ւրջ առաջարկություն էր, թղթի վրա՞:

– Այո՛, այո՛:

– Դուք դիտարկո՞ւմ էիք «Ռեալից» հեռանալու հնարավորությունը:

– Մի պահ ես մտածեցի փոփոխությունների մասին, բայց «Ռեալն» ինձ համար միշտ մնում է առաջնահերթ, իսկ փոփոխությունների մասին ես այլ պատճառներով մտածեցի:

– «Կոնտեն ցանկանում է Ռամոսին հրավիրել «Չելսի»»: Սա ի՞նչ է, նոր շշուկնե՞ր են:

– Երբեք դրա մասին չեմ լսել:

– Ձեզ երջանկություն պարգևո՞ւմ են «Բարսելոնայի» անհաջողությունները:

– Իհարկե, ես երջանիկ եմ, քանի որ նրանց անհաջողություններն օգուտ են բերում մեզ: Բայց ոչ մեկին չեմ մաղթում անհաջողություն:

– «Ռեալը» ֆավորիտ հանդիսանո՞՞մ է «Մանչեսթեր Սիթիի» հետ հակամարտությունում:

– Ոչ: Իմ կարծիքով՝ հնարավորությունները 50-50 են:

Շաբաթ օրը «Ռեալը» կխաղա «Ռայո Վալյեկանոյի» հետ: «Արքայական ակումբը» ետ է մնում առաջատար «Բարսելոնայից» և «Ատլետիկոյից» մեկ միավորով:

Ապրիլի 26-ին «Ռեալը» կհյուրընկալվի «Մանչեսթեր Սիթիին»` Չեմպիոնների լիգայի առաջին կիսաեզրափակչի խաղում:

Պատրաստեց Անի Գաբուզյանը