«Թումո»-ն առաջին անգամ հյուրընկալել է աշխարհում տարածված Կոմիքսների 24-ժամյա մարաթոնը
Երևանում ստեղծարար տեխնոլոգիաների «Թումո» կենտրոնն ապրիլի 16-ին և 17-ին առաջին անգամ հյուրընկալել է աշխարհում մեծ տարածում ունեցող Կոմիքսների 24-ժամյա մարաթոնը: 
Այս մասին «Արմենպրես»-ին տեղեկացրին տեղեկացրին «Թումո»-ից՝ հավելելով. «Միջոցառման մասնակիցները՝ 100-ից ավելի նկարիչներ ու կոմիքսների սիրահարներ ընդունեցին մարաթոնի մարտահրավերը, և նրանցից ամենադիմացկունները անցկացրեցին 24 ժամ «Թումո»-ում և ստեղծեցին 24 էջից բաղկացած կոմիքսներ: Կոմիքսների թեման էր Արցախի խաղաղությունը, և բոլոր մասնակիցները իրենց աշխատանքները նվիրեցին այնտեղ գտնվող մեր հայրենակիցներին: Վերջնական արդյունքները հասանելի կլինեն հանրությանը երկու օրից՝ http://www.24hcomics.com/ կայքում: 
24 Hour Comics Marathon-ի միտքը սկսվել է երկու ընկերների մարտահրավերից: 1990-ին Սքոթ ՄաքՔլաուդը ու Սթիվ Բիսեթը նկարեցին առաջին 24-ժամի-24-էջանոց կոմիքսները: Դրանից հետո նույն ֆորմատի հարյուրավոր մարաթոններ անցկացվել են ամբողջ աշխարհով մեկ: Հայաստանում այն չորրորդն է, իսկ «Թումո»ում առաջինը: Միջոցառումը «Թումո»ի և «Բադաբադա» ամսագրի համագործակցության արդյունքն է»: 
