Ռոնալդուն չի մասնակցի Օլիմպիական խաղերին
Պորտուգալացին կբավարարվի Եվրոպայի առաջնությունով:
Ինչպես հաղորդում է Goal.com-ը, Ռոնալդուն հայտարարել է, որ չի պատրաստվում մասնակցել Օլիմպիական խաղերին, որի ժամանակ յուրաքանչյուր թիմում կարող է խաղալ 23 տարեկանից բարձր 3 ֆուտբոլիստ: Այսպիսով, «սերուցքայինների» հարձակվողն ամռանը ելույթ կունենա միայն Եվրոպայի առաջնությունում, որը կանցկացվի Ֆրանսիայում՝ հունիսի 10-ից մինչև հուլիսի 10-ը:
Օլիմպիադայի ֆուտբոլային մրցաշարը կկայանա օգոստոսի 4-ից մինչև 20-ը:
Օլիմպիական խաղերում Պորտուգալիայի հավաքականին, որպես մրցակիցներ, բաժին են հասել Հոնդուրասի, Ալժիրի և Արգենտինայի հավաքականները:
Ռոնալդուն միայն մեկ անգամ է մասնակցել Օլիմպիական խաղերին` 2004թ.: Այդ ժամանակ պորտուգալացիները չկարողացան դուրս գալ խմբային փուլից:
Պատրաստեց Անի Գաբուզյանը
