Ո՞ր դեպքում չեք կարող արյան դոնոր դառնալ

Արյան դոնոր կարող է դառնալ 18 տարին լրացած յուրաքանչյուր անձ: Սակայն գոյություն ունեն որոշակի բժշկական և սոցիալական հակացուցումներ: Տարատեսակ հիվանդություններ, վերջերս տարած վիրահատություններ, որոշակի երկրներ այցելություն. այս ամենը կարող է ժամանակավոր կամ մշտական խոչընդոտ հանդիսանալ արյան դոնոր դառնալու համար:

Նաև կարևոր է իմանալ, որ արյան դոնոր կարող են դառնալ 50 կգ-ից բարձր քաշ ունեցողները: Մարմնի ջերմաստիճանը՝ արյունը հանձնելու պահին, պետք է 37°C-ից բարձր չլինի, ճնշումը՝ 90-160, սրտի զարկերը րոպեում՝ 50-100 զարկ:

Եթե որոշակի հիվանդություններ եք տարել, կամ որոշակի դեղամիջոցներ եք ընդունում, անպայման տեղեկացրեք բժշկին: Բժշկի և արյուն հանձնողի զրույցը պարտադիր պայման է:

Ձեզ ենք ներկայացնում որոշ հիվանդությունների ցուցակ, որոնց առկայության դեպքում չի թույլատրվում արյան դոնոր դառնալ:

1. Հեմոտրանսմիսիվ հիվանդություններ

2. Ինֆեկցիոն

• ՁԻԱՀ, ՄԻԱՎ-ի ինֆեկցիա կրելու դեպքում
• Սիֆիլիս, բնածին կամ ձեռքբերովի
• Վիրուսային հեպատիտներ, վիրուսային հեպատիտների դրական արդյունք (HBsAg, հակա-HCV հակամարմիններ)
• Տուբերկուլյոզ՝ բոլոր տեսակները
• Բրուցելյոզ
• Ցանային տիֆ
• Տուլարեմիա
• Լեպրա

3. Պարազիտային

• Էհինոկոկոզ
• Տոքսոպլազմոզ
• Տրիպանոսոմոզ
• Ֆիլյարիատոզ
• Րիշտա
• Լեյշմանիոզ

4. Սոմատիկ հիվանդություններ

1. Չարորակ նորագոյացություններ
2. Արյան հիվանդություններ
3. Կենտրոնական նյարդային համակարգի օրգանական հիվանդություններ
4. Լսողության և խոսելու կարողության ամբողջական բացակայություն
5. Հոգեկան հիվանդություններ
6. Թմրամոլություն, ալկոհոլի կախվածություն
7. Սրտանոթային հիվանդություններ

• 2-3 փուլի հիպերտոնիկ հիվանդություն
• Սրտի իշեմիկ հիվանդություններ
• Աթերոսկլերոզ, աթերոսկլերոտիկ կարդիոսկլերոզ
• Խցանող էնդարտերիտ, ոչ սպեցիֆիկ աորտոարտերիտ
• Էնդոկարդիտ, միոկարդիտ
• Սրտի արատ

5. Շնչառական օրգանների հիվանդություններ

• Բրոնխիալ ասթմա
• Բրոնխոէկտատիկ հիվանդություններ, թոքերի էմֆիզեմա, օբստրուկտիվ բրոնխիտ

6. Մարսողական համակարգի հիվանդություններ

• Գաստրիտ
• Ստամոքսի և տասներկումատնյա աղու խոցային հիվանդություն

7. Լյարդի և լեղուղիների հիվանդություններ

• Լյարդի քրոնիկ հիվանդություններ, այդ թվում նաև՝ տոքսիկ ծագման և անհայտ պատճառներով
• Խոլեցիստիտ
• Լյարդի ցիռոզ

8. Երիկամների և միզուղիների հիվանդություններ

• Երիկամների դիֆուզային և տեղային բորբոքումներ
• Միզաքարային հիվանդություններ

8. Միակցական հյուսվածքների դիֆուզային հիվանդություններ

9. Ճառագայթային հիվանդություններ

10. Էնդոկրին համակարգի հիվանդություններ՝ ֆունկցիայի և նյութափոխանակության խանգարման դեպքում

11. Քթի խոռոչի հիվանդություններ

• Օզենա
• Այլ սուր և քրոնիկ բորբոքային հիվանդություններ

12. Աչքերի հիվանդություններ

• Իրիտ, իրիդոցիկլիտ, խորիորետինիտ
• Տրախոմա
• Ամբողջական կուրություն

13. Մաշկային հիվանդություններ

• Մաշկի բորբոքային և ինֆեկցիոն տարածված հիվանդություններ
• Փսորիազ, էրիտրոդերմիա, էկզեմա, պիոդերմիա, սիկոզ, գայլծաղիկ (волчанка)

14. Սուր և քրոնիկ օստեոմիելիտ

15. Օրգանների և հյուսվածքների տրանսպլանտացիա, օրգանի մասնակի հեռացում՝ վիրահատական միջամտությամբ:

Նյութը հրապարակման պատրաստեց Լիլիթ Հարությունյանը