Հունգարիան խոստացել է ուժեղացնել սահմանային հսկողությունը
Հունգարիան մեծացնում է ոստիկանների ու զինվորականների թիվը սահմանին՝ կապված Եվրոպայում միգրացիոն ճգնաժամի խորացման հետ, հայտնում է BBC-ն:
Անվտանգության ուժեղացման նոր միջոցառումների մասին այսօր հայտարարել է երկրի ներքին գործերի նախարար Շանդոր Պինտերը՝ ընդգծելով, որ սահմանը հատել կարող են միայն գործող վիզաներ ունեցող մարդիկ:
Ավելի վաղ Հունգարիայի մի շարք շրջաններում արտակարգ դրություն էր հայտարարվել ներգաղթյալների թվի կտրուկ ավելացման պատճառով:
Սերբիայի ու Խորվաթիայի հետ սահմանին տեղադրվել են հավելյալ արգելապատնեշներ:
Հիշեցնենք, որ ավելի վաղ Սլովենիան է հայտարարել ներգաղթյալների համար երկիր մուտք գործելու կանոնների կտրուկ խստացման մասին:
Այսուհետ, սահմանից այն կողմ կկարողանան հայտնվել միայն այն փախստականները, որոնք իսկապես հայտնվել են հուսահատ վիճակում, ինչպես նաև նրանք, ովքեր պլանավորում են դիմել Սլովենիայի իշխանություններին ապաստան տրամադրելու խնդրանքով:
Փախստականները, որոնք մտադիր են Սլովենիան օգտագործել որպես հանգրվան՝ ավելի հարմարավետ երկիր անցնելու նպատակով, սահմանից այն կողմ այլևս չեն կարող հայտնվել: Ներկայում նման միգրանտները մեծամասնություն են կազմում:
