Միչիգանի փրայմերիզում հաղթում է Բեռնի Սանդերսը. ԶԼՄ-ներ
Վերջին տվյալների համաձայն՝ ԱՄՆ Դեմոկրատական կուսակցությունից նախագահական ընտրությունների թեկնածու, սենատոր Բեռնի Սանդերսը հաղթանակել է Միչիգան նահանգի նախնական կուսակցական ընտրություններին, հայտնում է BBC-ն՝ հղում կատարելով ամերիկյան լրատվամիջոցներին:
Եթե Բեռնի Սանդերսը կարողանա այս նահանգում առաջ անցնել իր մրցակցից՝ դեմոկրատ Հիլարի Քլինթոնից, ապա դա կդառնա նրա ամենամեծ հաջողությունը երկրի նախագահական ընտրություններում կուսակցության կողմից որպես թեկնածու առաջադրվելու համար:
Ավելի վաղ հայտնի է դարձել, որ Միսսիսիպիի ընտրություններում հաղթել է Քլինթոնը:
ԱՄՆ նախագահական ընտրություններում Հանրապետական կուսակցությունը ներկայացնող Դոնալդ Թրամփը հաղթել է երեքշաբթի կայացած կուսակցական փրայմերիզում Միչիգան ու Միսսիսիպի նահանգներում:
Նախնական հաշվարկներով, որը հրապարակել է Associated Press-ը, Միչիգանում երկրորդ տեղում Ջոն Քեյսիկն է:
Այդահո նահանգում, նախնական տվյալներով, առաջատարն է Թեդ Կրուսը:
