Վնասվածքներ չստանալու նոր եղանակ՝ Գարեթ Բեյլից
Մադրիդի «Ռեալի» կիսապաշտպան Գարեթ Բեյլը հաճախակի վնասվածքներից խուսափելու համար յուրօրինակ մեթոդ է մշակել: Նա ծակծկում է զուգագուլպաները:
Բանը նրանում է, որ զուգագուլպաները ծակծկելով՝ ավելանում է օդափոխությունը, որը նվազեցնում է վնասվածքի հավանականությունը:
Սակայն պետք է նշել նաև, որ ֆուտբոլիստների համար պատրաստվում են այնպիսի զուգագուլպաներ, որոնք թույլ են տալիս ակտիվ օդափոխություն:
AS պարբերականը, խոսելով Բեյլի կիրառած մեթոդի մասին, նշում է, որ շատ վնասվածքաբաններ հավանության չեն արժանացնում այս տարբերակը՝ նշելով, որ դա ոչ մի կերպ չի օգնում խուսափել վնասվածքից: Այս մեթոդը ֆուտբոլիստներին կարող է տալ միայն հոգեբանական առավելություն:
Չնայած իր կիրառած մեթոդին՝ Գարեթ Բեյլն այս մրցաշրջանում արդեն 6 անգամ մկանային վնասվածք է ստացել։
Սիրարփի Աղաբաբյան
