Սինգապուրի նեղուցում նավեր են բախվել, կան անհետ կորածներ
Սինգապուրի նեղուցում լցանավի հետ բախվելու հետևանքով խորտակվել է բեռնատար նավ, ինչի հետևանքով 6 մարդ անհետ կորել է, հայտնում է Straits Times թերթը՝ հղում կատարելով Սինգապուրի ծովային ու նավահանգստային վարչության ներկայացուցիչներին:
Թերթի տեղեկություններով՝ դեպքը տեղի է ունեցել Ինդոնեզիայի տարածքային ջրերում՝ Բատամ կղզուց 11 կմ հյուսիս-արևմուտք:
Բեռնանավը, որը կրել է Անտիգուա և Բարբուդայի դրոշը, տեղափոխել է դիզելային վառելիք, իսկ լցանավը՝ քիմիական նյութեր: Անձնակազմի 6 անդամի հաջողվել է փրկել, ևս 6-ը համարվում են անհետ կորած:
Հաղորդվում է, որ լցանավն ստացել է աննշան վնասվածքներ:
