Ֆյուրիի հետ ռևանշում Կլիչկոն ազատություն կտա ձեռքերին
Գերծանր քաշային կարգի աշխարհի նախկին չեմպիոն Վլադիմիր Կլիչկոյի մարզիչ Ջոնաթան Բենքսը հայտարարել է, որ բրիտանացի Թայսոն Ֆյուրիի հետ մատչ-ռևանշի ժամանակ ուկրաինացին ավելի շատ հարվածներ կհասցնի:
«Շատ բան ասվեց այն մասին, որ Վլադիմիրի համար պրոբլեմներ ստեղծեցին Թայսոն Ֆյուրիի գաբարիտները: Բայց հասկացեք, Վլադիմիրը մեծ տղաների հետ կռվել է իր ամբողջ կարիերայի ընթացքում: Նա նվաճել է Օլիմպիական խաղերի Ոսկե մեդալը` կռվելով իրենից մեծ տղայի հետ: Նա իր կարիերայի ընթացքում մարտնչել է գաբարիտներով ավելի մեծ մրցակիցների հետ, և դա երբեք իր համար պրոբլեմ չի եղել:
Ֆյուրիի հետ մարտի ժամանակ նա ուղղակի լավ չաշխատեցրեց ձեռքերը: Բայց մենք մատչ-ռևանշ ենք ունենալու, և այնտեղ նա ազատություն կտա իր ձեռքերին: Ես վստահ եմ, որ դա այդպես կլինի»,- ասել է Բենքսը:
Պատրաստեց Անի Գաբուզյանը
