ԴԱԻՇ-ի շարքերում կռվում են 25-30 հազար օտարերկրացիներ, այդ թվում՝ ՌԴ քաղաքացիներ. ՌԴ ՊՆ
ՌԴ պաշտպանության փոխնախարար Անատոլի Անտոնովի խոսքով՝ ԴԱԻՇ-ի շարքերում կռվում են 25-30 հազար օտարերկրացիներ, այդ թվում՝ ՌԴ ու Ասիա-խաղաղօվկիանոսյան տարածաշրջանի քաղաքացիներ, հայտնում է RIA Novosti-ն:
«Եթե նրանք վերադառնան տուն, իրենց հետ բերելով բռնության ու ծայրահեղականության պոտենցյալը, կսկսեն քարոզել արմատական գաղափարներ մեր երկրներում կամ կսկսեն դիվերսիաներ իրականացնել»,- կարծում է ռուս փոխնախարարը:
Նրա խոսքով՝ համատեղ առանցքային խնդիրը զինյալների տունդարձը թույլ չտալն է:
