Ռուսական ինքնաթիռի կործանման վայրից հավաքում են զոհերի մարմինները. հայտնաբերվել է 5 երեխայի մարմին. AFP
AFP գործակալությունը հայտնում է, որ եգիպտացի փրկարարները Սինայի թերակղզում՝ ռուսական ինքնաթիռի կործանման վայրում, ձեռնամուխ են եղել զոհերի մարմինների հավաքման գործին:
«Եգիպտական ծառայությունները հավաքում են ռուսական ինքնաթիռի աղետի առաջին զոհերի մարմինները»,- ասվում է գործակալության հաղորդագրության մեջ, որը հղում է կատարում աղետի վայրում գտնվող եգիպտացի փրկարարներին:
Ավելի վաղ Եգիպտոսի քաղավիացիայի նախարարությունը հանդես էր եկել իր առաջին պաշտոնական հայտարարությամբ՝ կապված ռուսական ինքնաթիռի կործանման հետ:
Փաստաթղթի համաձայն՝ KGL9268 չվերթի А-320 ինքնաթիռը, որը թռիչք էր իրականացնում Շարմ-էլ-Շեյխից Սանկտ Պետերբուրգ, օդանավակայանից դուրս է եկել այսօր առավոտյան ժ. 5.51-ին (Մոսկվայի ժամանակով՝ ժ. 6.51-ին): Այն ռադարներից անհետացել է.թռիչքից 23 րոպե անց:
Ինքնաթիռում եղել են 217 ուղևոր և անձնակազմի 7 անդամները:
Սինայի ադմինիստրացիայում ավելի վաղ նշել են, որ ինքնաթիռը աղետի է ենթարկվել Էլ-Կանտալ ու Էլ-Լաքսիմ շրջանների միջև ընկած լեռներում:
