«ԲԿՄԱ»-ի գլխավոր մարզիչ Լեոնիդ Սլուցկին կշարունակի պաշտոնների համատեղումը մինչև Եվրո-2016-ի ավարտը
Ռուսաստանի ֆուտբոլային միությունը և «ԲԿՄԱ»-ն հասել են սկզբունքային համաձայնության Ռուսաստանի հավաքականում Սլուցկու հետագա աշխատանքի հարցում:
Մասնագետը պետք է համատեղի մոսկովյան ակումբի և ազգային թիմի գլխավոր մարզչի պաշտոնները մինչև Եվրոպայի առաջնության եզրափակիչ փուլի ավարտը: Այդ մասին հաղորդում է բանակայինների պաշտոնական կայքը:
«Ռուսաստանի ֆուտբոլային միությունը Լեոնիդ Սլուցկին և «ԲԿՄԱ» ֆուտբոլային ակումբը սկզբունքային համաձայնություն են ձեռք բերել Ռուսաստանի հավաքականում «բանակային թիմի» գլխավոր մարզչի հետագա աշխատանքի հարցում: Լեոնիդ Սլուցկին կշարունակի 2 պաշտոնների համատեղումը մինչև Եվրոպայի առաջնության ավարտը:
Հաջողություն ենք ցանկանում մեր գլխավոր մարզչին աշխատանքում. ինչպես «ԲԿՄԱ»-ում, այնպես էլ Ռուսաստանի հավաքականում»,- ասվում է հայտարարության մեջ:
Պատրաստեց Անի Գաբուզյանը
