ԵՄ-ն կարող է փլուզվել փախստականների պատճառով. Մոգերինի
Եվրամիությունը կարող է փլուզվել միգրացիոն ճգնաժամի պատճառով, հայտարարել է ԵՄ դիվանագիտության ղեկավար Ֆեդերիկա Մոգերինին իտալական Il Sole 24 Ore պարբերականին տված հարցազրույցում:
«Ճգնաժամը, որը հարուցել է Մերձավոր արևելքի ու Հյուսիսային Աֆրիկայի երկրների ներգաղթյալների մեծ ալիքը, արդեն կախված չէ նրանց քանակությունից, այլ ավելի շատ համատեղ գործիքի բացակայությունից»,- հայտարարել է նա:
«Ճգնաժամը կխորանա, եթե ԵՄ-ն լրջորեն չվերաբերի դրա լուծմանը»,- հավելել է նա:
Նրա խոսքով՝ ներգաղթյալներին ԵՄ երկրներում վերաբնակեցնելու գործընթացը դժվար է կազմակերպչական տեսանկյունից, սակայն հնարավոր է ու անհրաժեշտ:
Ֆեդերիկա Մոգերինին ընդգծել է, որ ոչ մի պետություն ի վիճակի չէ ինքնուրույն հաղթահարել ներգաղթյալների մեծ հոսքը:
