ՌԴ կառավարությունը հավանություն է տվել Հայաստանի հետ համատեղ հակաօդային պաշտպանության համակարգի ստեղծմանը
Ռուսաստանի կառավարությունը հավանություն է տվել Հայաստանի հետ հակաօդային պաշտպանության տարածաշրջանային միացյալ համակարգի ստեղծման վերաբերյալ համաձայնագրին կոլեկտիվ անվտանգության կովկասյան տարածաշրջանում, հայտնում է gazeta.ru-ն՝ հղում կատարելով ՌԴ կառավարության հաղորդագրությունը:
«Ընդունել տվյալ հարցի վերաբերյալ Ռուսաստանի Դաշնության կառավարության վճռի նախագիծը»,- ասվում է ՌԴ կառավարության որոշման մեջ:
Փաստաթուղթը ներկայացվելու է Ռուսաստանի նախագահ Վլադիմիր Պուտինի ստորագրմանը։
Ավելի վաղ հաղորդվում էր, որ Ռուսաստանն ու Բելառուսն աշխատում են համատեղ հակաօդային պաշտպանության համակարգի ստեղծման ուղղությամբ:
