Ադրբեջանը հրաժարվել է մասնակցել Եվրոպայի խորհրդի տարածքային և տեղական իշխանությունների կոնգրեսի աշխատանքներին
Ադրբեջանը հրաժարվել է մասնակցել այսօր Ստրասբուրգում մեկնարկող Եվրոպայի խորհրդի տարածքային և տեղական իշխանությունների կոնգրեսի աշխատանքներին, հայտնում է ադրբեջանական APA գործակալությունը:
Ինչպես հայտնել են Կոնգրեսի մամլո քարտուղարությունից, պատվիրակությունը, որը ներկայացնում էր Կոնգրեսում Ադրբեջանը, հրաժարվել է մասնակցել կառույցի նստաշրջանին:
Դրա պատճառն այս տարվա սեպտեմբերի 18-ին Վարշավայում Կոնգրեսի Մոնիթորինգային կոմիտեի կողմից ընդունված բանաձն էր Ադրբեջանի վերաբերյալ:
Ադրբեջանի պատվիրակությունը բանաձևը համարել էր կանխակալ ու հրաժարվել էր մասնակցել Կոնգրեսի ներկայիս նստաշրջանի աշխատանքներին:
