Մենք չենք խնդրել ՀՀ իշխանություններին հետամուտ լինել Լևոն Զուրաբյանի հայտարարությանը. Վենետիկի հանձնաժողովի քարտուղար. «ՀԺ»
«Հայկական ժամանակ» օրաթերթը գրում է. «Վենետիկի հանձնաժողովի քարտուղարը երեկ պատասխանել է «ՀԺ»-ի հարցին՝ արդյոք իրե՞նք են ՀՀ իշխանություններին խնդրել հետամուտ լինել Լևոն Զուրաբյանի հայտարարությանը, թե Գագիկ Հարությունյանը կաշառել է Վենետիկի հանձնաժողովին։
«Մենք այդ մասին իմացել ենք ԶԼՄ-ների հաղորդումներից, և գտնում ենք, որ այդ մեղադրանքները կատարելապես անհեթեթ են։ Մենք չենք խնդրել Հայաստանի իշխանություններին պարզաբանել այդ հարցը»,– գրել է Թոմաս Մարքերթը։ Եվրամիության մամուլի քարտուղար Տատյանա Բաևան էլ իր հերթին սույն գրությանը հավելել է.
«Ես կցանկանայի ավելացնել, որ Վենետիկի հանձնաժողովը հեղինակավոր իրավական փորձագետների անկախ մարմին է, որի աշխատանքը հիմնված է անկողմնակալության և ազնվության սկզբունքների վրա. Վենետիկի հանձնաժողովի դերը այն չէ, որ ստիպի կառավարություններին ընդունել իր առաջարկությունները»։
Ամբողջությամբ կարդացեք «Հայկական ժամանակի» այսօրվա համարում։
