Ասադի բանակը կարող է դառնալ ամենաուժեղը Մերձավոր արևելքում. Independent
Քաղաքացիական պատերազմում հաղթանակի դեպքում Սիրիայի նախագահ Բաշար Ասադի բանակը կարող է դառնալ ամենափորձառուն ողջ Մերձավոր արևելքում, գրում է բրիտանական The Independent պարբերականը:
Համաշխարհային հանրությունը շարունակում է քննարկել Ռուսաստանի ռազմական օպերացիան Սիրիայում՝ մոռանալով արաբական հողում մի ինստիտուտի մասին, որը շարունակում է գործել ու պաշտպանել Սիրիան, որին Մոսկվան որոշել է աջակցել: Խոսքը սիրիական բանակի մասին է:
Սիրիական բանակը, որը մի քանի ամիս առաջ չուներ բավականաչափ թվով մարդիկ ու զենք, անսպասելիորեն սկսել է հարձակումների դիմել:
Ավելի վաղ, այդ բանակին հաշվից դուրս էին համարել՝ համոզելով բոլորին, թե Բաշար Ասադի կառավարության վերջը մոտեցել է, գրում է The Independent-ը:
Այդ պահին դեպքերի ընթացքին միջամտեց Ռուսաստանն ու այն արմատապես փոխեց: Սիրիական բանակն անցավ հարձակման: Եթե սիրիական բանակը հաղթանակի, եթե պահպանի իր ամբողջականությունն ու անձնակազմի բարձր թվաքանակը, այն այս պատերազմից դուրս կգա որպես ամենափորձված ու թրծված արաբական բանակը ողջ Մերձավոր արևելքում:
«Վերջը եկել է նրա հարևանների, ովքեր այդ մասին մոռանում են»,- գրում է The Independent-ը:
