Կանադայի նոր վարչապետ կդառնա Լիբերալ կուսակցությունից Ջասթին Տրյուդոն
Կանադայում կայացած խորհրդարանական ընտրություններում Լիբերալ կուսակցության հաղթանակից հետո երկրի վարչապետ է դարձել կուսակցության առաջնորդ Ջասթին Տրյուդոն՝ այդ պաշտոնում փոխարինելով 9 տարի գտնվող Սթիվեն Հարփերին, հայտնում է BBC-ի ռուսական ծառայությունը:
Ձայների նախնական հաշվարկի արդյունքում խորհրդարանում 9 տարում առաջին անգամ տեղերի մեծ մասը բաժին կհասնի լիբերալներին:
Սոցցանցերում տարածում է ստանում #ByeHarper հեշթեգը:
Ջասթինի հայրը Կանադայի նախկին վարչապետ Պիեռ Տրյուդոն է, ով համարվում է Կանադայի արդիականացման հայրը:
Դաշնային խորհրդարանի համընդհանուր ընտրություններում ընտրվում է 338 պատգամավոր:
