Ռուսական «Սու-30» կործանիչներն սկսել են հարվածներ հասցնել Իրաքում ԴԱԻՇ-ի դիրքերին
«Սու-30» կործանիչները, որոնք Ռուսաստանը տրամադրել է Իրաքին, արդեն հարվածներ են հասցնում Իրաքում ԴԱԻՇ-ի դիրքերին, հայտնում են իրաքյան ԶԼՄ-ները՝ հղում կատարելով Իրաքի բանակի մամլո կենտրոնին՝ Media War Cell-ին:
Media War Cell-ի տվյալով՝ «Սուխոյ» տեսակի կործանիչը ոչնչացրել է զինյալների երեք թաքստոց Սալահեդդին նահանգում ու նրանց ավտոշարասյունը, որն ուղևորվում էր Մոսուլ:
Հաղորդագրությունն ուղեկցվել է իրաքյան տարբերանշանով «Սու-30» կործանիչի լուսանկարով:
Տեղեկությունն այն մասին, որ Իրաքի ռազմաօդային ուժերն ստացել են Սու-30» կործանիչներ, առաջին անգամ է հայտնի դառնում:
