Ի՞նչ հանձնարարականներ է տվել ԼՂՀ քաղաքաշինության նախարարը
ԼՂՀ քաղաքաշինության նախարար Կարեն Շահրամանյանն այսօր աշխատանքային խորհրդակցության է հրավիրել նախարարության ենթակայության տակ գտնվող «Ջրամատակարարում և ջրահեռացում» ՓԲԸ անձնակազմին:
ԼՂՀ քաղաքաշինություն նախարարության մամլո ծառայության փոխանցմամբ՝ «Ջրամատակարարում և ջրահեռացում» ընկերության տնօրեն Սամվել Հարությունյանը ներկայացրել է ոլորտի խնդիրներն ու ձեռբերումները, բարձրացրել համակարգին առնչվող հարցեր:
Կ. Շահրամանյանը ծանոթացել է համակարգի խնդիրներին, տեղում տվել հանձնարարականներ, նախանշել հետագա անելիքները` աշխատանքներն ավելի արդյունավետ դարձնելու համար:
Նախարարն ընդգծել է, որ ջրամատակարարման ու ջրահեռացման համակարգը կենսական նշանակություն ունի մեր երկրի համար, այդ նպատակով պետք է նոր սխեմաներ մշակվեն, վերազինվեն բոլոր տեղամասերը, հաճախակի իրականացվեն ստուգումներ, մաքրեն ու ախտահանեն ջրերը:
Խորհրդակցության ավարտին շրջանների ու տեղամասերի պատասխանատուները նախարարին են ներկայացրել համակարգին ու բնակչությանը հուզող հարցեր:
