Թուրքիայում փրկվել են բեռնատարի բեռնախցիկում փակված 200 սիրիացի ներգաղթյալներ
Թուրքիայի ոստիկանությունը փրկել է ավելի քան 200 ներգաղթյալի, որոնց փակել էին բեռնատարի բեռնախցիկում: Դրա վարորդը, Dogan գործակալության հաղորդմամբ, թողել էր միացված շարժիչով մեքենան Իզմիր նահանգի ավտոկանգառներից մեկում ու հեռացել:
Խոսքը սիրիացի փախստականների մասին է, ովքեր մտադրվել էին տեղափոխվել Եվրոպա:
Ոստիկանությունը բեռնատարի մոտ է գնացել հարակից տներից մեկի բնակիչների հեռախոսազանգերի հետևանքով, ովքեր անհանգստացել էին մարդկանց հուսահատ բղավոցներից:
