Պարույր Հայրիկյանը վերջնագիր-ուղերձ փոխանցեց Սերժ Սարգսյանին
«Ազգային ինքնորոշում միավորում» կուսակցության առաջնորդ Պարույր Հայրիկյանը քիչ առաջ ՀՀ նախագահական նստավայրի դիմաց բողոքի ակցիա էր անցկացնում, որից հետո նա վերջնագիր-ուղերձ փոխանցեց ՀՀ նախագահ Սերժ Սարգսյանին: Նա պահանջում է Սահմանադրական բարեփոխումների նախագիծը, որը հաստատվել է ԱԺ կողմից՝ չդնել հանրաքվեի: Պ. Հայրիկյանի խոսքով՝ եթե Ս. Սարգսյանն իր պահանջը չիրականացնի, ապա ինքը դիմելու է իրավապահներին, որպեսզի քրեական գործ հարուցեն Սերժ Սարգսյանի դեմ:
Վերջնագիր-ուղերձը նախագահականին փոխանցելուց հետո Պարույր Հայրիկյանը շարժվեց դեպի ՀՀ գլխավոր դատախազություն:
