Ռուսաստանն սկսել է Սիրիայի Պալմիրա քաղաքի ռմբակոծումը. ԶԼՄ-ներ
Ռուսական ավիացիան ձեռնամուխ է եղել Սիրիայի հնագույն Պալմիրա քաղաքի ռմբակոծմանը: Այս մասին հայտնում է France-Presse-ը՝ հղում կատարելով տեղի ԶԼՄ-ներին:
«Ռուսական ինքնաթիռները ավիահարվածներ են հասնում սիրիական Պալմիրային», հայտնում է ֆրանսիական գործակալությունը՝ հղում կատարելով Սիրիայի հեռուստատեսությանը:
ԴԱԻՇ-ի զինյալները քաղաքը գրավել էին այս տարվա մայիսին: Պալմիրայի հուշարձանները ներառված էին ՅՈՒՆԵՍԿՕ-ի համաշխարհային ժառանգության ցանկում:
Հիշեցնենք, որ այս շաբաթ իսլամիստները պայթեցրին Պալմիրայի Հաղթական կամարը:
