ԱՄՆ-ը կասեցրել է Մոլդովային հատկացվող ֆինանսական օգնությունը
ԱՄՆ-ի իշխանությունները կասեցրել են Մոլդովայի մի շարք ներդրումային նախագծերի ֆինանսավորումը իշխանությունների կոռուպցիայի պատճառով, հայտնում է TASS-ը:
Այս մասին հայտնել է Քիշնևում ԱՄՆ դեսպան Ջեյմս Պետիտը:
Նրա խոսքով՝ նախագծերի ֆինանսավորման հետագա իրականացումը անհնար է ներկայիս պայմաններում, «երբ երկիրը թաղվել է կոռուպցիայի մեջ»: Դրա հետ միասին, դեսպանը հույս է հայտնել, որ ֆինանսավորումը կվերսկսվի:
«Մոլդովան առաջխաղացում չի արձանագրել այդ երևույթի վերացմանհարցում, հակառակը, ավելի ցած է իջել: Հուսով եմ՝ հանրապետության կառավարությունը դա հաշվի կառնի, իսկ մենք կվերսկսենք ֆինանսավորումը»,- ասել է Պետիտը:
Նա հասկացրել է, որ խոսքը Մոլոդովային ամենամեծ օգնության տրամադրման մասին է, որն իրականացվում էր «Հազարամյակների մարտահրավերներ» ծրագրի հետ:
Այն ներառում է ներդրումներ գյուղատնտեսությունում ու տրանսպորտի զարգացման մեջ:
Նախագծի շրջանակում ենթադրվում է ավելի քան 200 մլն դոլարի հատկացում:
